Антоновская детский сад - начальная школа

Informația generală, Антоновская детский сад - начальная школа

Паводле пісьмовых крыніц вядома з пачатку XIX ст. Па рэвізкіх матэрыялах 1858 г. 27 двароў, у складзе маёнтка Казловічы, валоданне памешчыка Ф.А. Маліноўскага, а з 1859 г. Турчанінавых, у Рагачоўскім павеце Магілёўскай губ. З 1880 г. дзейнічаў хлебазапасны магазін.

У 1887 г. ў наёмнай хаце адкрыта царкоўна-прыходская школа.

Паводле перапісу 1897 г. 45 двароў, 293 жыхары, 4 ветракі, кузня, у Гарадзецкай вол.

У 1933 г. арганізаваны калгас "Ленінец”. Мелася пачатковая школа.

У 1940 г. 560 жыхароў.

У Вялікую Айчынную вайну з восені 1941 г. дзейнічала падпольная патрыятычная група  (кіраўнік А.І. Севасцьянчык).  У верасні 1943 г. акупанты спалілі 44 двары і загубілі 112 жыхароў. 43 вяскоўцы загінулі на франтах і ў партызанскай барацьбе.

 Паводле перапісу 1959 г. 472 жыхары. Цэнтр калгаса "Ленінец”. Аддзяленне сувязі, клуб, бібліатэка, фельч.-акушэрскі пункт, дзіцяцы сад, сярэдняя школа (новы мураваны будынак узведзены ў 1988 г.).

Планіровачна складаецца з працяглай прамалінейнай мерыдыяльнай і трох кароткіх вуліц, амаль паралельных да галоўнай і злучаных дарогай. Забудова двухбаковая, няшчыльная, драўляная, сядзібнага тыпу.

Побач са старой забудовай у 1986 годзе ўзведзена 100 мураванных дамоў катэджнага тыпу, у якіх размясціліся перасяленцы з забруджанных радыяцыяй месц, у тым ліку з в. Краснаселле Хойніцкага р-на.