General information
Contacts
Users photos
Uploaded 0 photo
General information
Сенненская школа-інтэрнат – родны дом для дзяцей з нялёгкім жыццёвым лёсам. Мэта педагагічнага калектыва – усебаковая падрыхтоўка выхаванцаў да самастойнага жыцця ў соцыуме, фарміраванне грамадзяніна і патрыёта, працаўніка і сем'яніна. Падчас эксперыментальнай работы з 2008 па 2013 гады ў школе-інтэрнаце створана практыка-арыентаваная мадэль адукацыйнага асяроддзя, якая дазваляе дасягнуць гэтай мэты. Важнай і неад'емнай часткай жыцця дзяцей, асноўным сродкам сацыялізацыі з’яўляецца прафесійная падрыхтоўка, працоўная і вытворчая дзейнасць, актыўны ўдзел у працоўных праектах, грамадскай і сацыяльна-камунікатыўнай дзейнасці. На гэтым сайце Вы знойдзеце падрабязную інфармацыю пра нашу школу-інтэрнат, цікавыя навіны, фота- і відэаматэрыялы.
Спадзяемся на пашырэнне рэальнага і віртуальнага супрацоўніцтва з усімі, хто любіць дзяцей, хто хоча і можа аказаць ім сваю ўвагу і падарыць пяшчоту.
Сенненская школа-інтэрнат размяшчаецца ў найпрыгажэйшым кутку Віцебскага Паазер’я. Стары панскі парк, узбярэжжа возера Сенненскае, яблыневыя сады, дагледжаныя палі і велічныя алеі – гэта ўсё складае тэрыторыю школы-інтэрната. Раней тут знаходзіўся дзіцячы дом для дзяцей-сірот, які быў заснаваны ў 1918 годзе. У 1963 годзе Установа атрымала статус школы-інтэрната.